【小紅書 - 數碼營銷推介會】
完美謝幕捕捉精彩每一刻

原來嘆住精美點心都可以學到最update 嘅市場營銷知識! 社企吧！本年度重頭活動：「小紅書 – 數碼營銷推介會」已經喺上星期四完滿結束。

首先，我哋好高興邀請到老于香港生活 Jill 作為今次推介會嘅客席嘉賓。透過 Jill 嘅精彩分享，大家更加了解小紅書喺香港「港漂市場」嘅龐大潛力、識得點樣利用小紅書做 Digital Marketing。分享完結後，大家仲可以品嚐到星級餐廳「瀾之茶居」嘅美味點心！

今次推介會一共吸引40多位嚟自企業、NGO、社企等不同界別人士參加，大家都好開心齊齊聚首一堂，一齊學習同互相分享。社企吧！再一次感謝所有參加者出席今次活動，未來我哋會舉行更多不同類型活動，繼續連結社企、企業及公眾。